Agar Chaho, Agar Samjho . . .

Abhi kuch bhi nahin badla,
Darakhton par wohi mausam abi tak muskuratey hain,
Abhi tak surmeyi shamain hamarey sath roti hain,
Abhi tak mere honton per tumhare honton ki khushbu
Raqss karti hai,
Abhi tak meri ankhon mein tumhare khawb hanstey hain,
Abhi tak mere hathon per tumhari ungliyon
ki narm pooron se likhey sab harf
zinda hain,
Abhi tak mere seeney mein tumhari saans chalti hai,
Abhi to raston par doodhiya pairon se parney waley
sarey naqsh qayem hain,
Abhi almaariyon mein sarey tohfey gungunatey hain,
Tumhare khat abhi bhi raat ki tanhai mein mujh se,
Tumhari baat kartey hain,
Bohat se saal guzrey hain,
Bohat se waqt beeta hai,
Meri chahat nahin beeti,
Meri himmat nahin guzri,
Abhi kuch bhi nahin badla,
Abhi kuch bhi nahin badla,

Agar chaho,
Agar samjho,
Meri maano,
To laut aao . . .

Is Qadar Toot Kay Tum Par . . .

Is Qadar Toot Kay Tum Par Humey Pyar Ata Hai,

Apni Bahon Me Bharien Mar Hi Dalien Tum Ko . . .

Choomna Kya Usey . . .

Choomna kya usey aankhon se lagana kesa,

Phool jo coat se gir jaye uthaana kesa,

Apne honton ki haraarat se jagaao mujh ko,

Yoon sadaaon se dam’e’subaah jagana kesa . . .

Na Tumhey Hosh Rahey . . .

Na Tumhey Hosh Rahey or Na Mujhey Hosh Rahey,

Is Qadar Toot Kay Chaho Mujhey Pagal Kar Do . . .